პრემიერ-მინისტრმა დღევანდელ მთავრობის სხდომაზე რამდენიმე ახალ ინიციატივასთან დაკავშირებით ისაუბრა. გიორგი კვირიკაშვილის განცხადებით, ,,აწარმოე საქართველოს ფარგლებში”, დაგეგმილია სამი ახალი პროექტის განხორციელება.
ესენია: თხილის გადამამუშავებელი, საწარმო, ჩაის აღორძინების ძალიან მნიშვნელოვანი პროექტი, ასევე ჩაის საწარმო და რძის გადამამუშავებელი კომბინატი.
„ვფიქრობ, სამივე პროექტი არის ძალიან კარგი და მისასალმებელი“, – განაცხადა კვირიკაშვილმა.
როგორც დღეს მთავრობის სხდომაზე გახდა ცნობილი,=, უახლოეს მომავალში სახელმწიფო ბიუჯეტიდან გამოიყოფა 20 მილიონი ლარი. ამ თანხით 21 მუნიციპალიტეტის 60-ზე მეტი სოფლის გაზიფიცირება იგეგმება.
მათ შორის არის ცაიში, გელათი, ომალო, მოწამეთა, აბასთუმანი. ამისთვის სახელმწიფო ბიუჯეტიდან 20 მილიონი ლარი გამოიყოფა”,-განაცხადა პრემიერმა.
“მართლაც და ძალიან მნიშვნელოვანი, ისტორიული მნიშვნელობის პროექტებია, ვინაიდან მოგეხსენებათ, რომ ყველა ეს მიმართულება მრავალი წლის განმავლობაში ითხოვდა ამ სოფლების გაზიფიცირებას და ძალიან კარგია, რომ 8 ათასამდე აბონენტს ექნება ბუნებრივი აირი”, – აღნიშნა კვირიკაშვილმა.
