სტატისტიკის ეროვნული სამსახურის მიერ „ბიზნესპრესნიუსისთვის“ მიწოდებული ინფორმაციით, 2026 წლის იანვარ-მაისში საქართველოში რუსეთის მოქალაქეების ან კომპანიების მფლობელობაში არსებული 3 266 ახალი ბიზნეს სუბიექტი დარეგისტრირდა.
მონაცემების მიხედვით, 2021-2025 წლებში ქვეყანაში ჯამში 43 923 რუსული ბიზნეს სუბიექტი დარეგისტრირდა. ამასთან, 2021 წლიდან 2025 წლამდე პერიოდში საქართველოში რუსული კომპანიების რეგისტრაციის მაჩვენებელი 8.6-ჯერ გაიზარდა.
ბოლო წლებში რეგისტრირებული რუსული ბიზნესების სტატისტიკა ასე გადანაწილდა:
-
2021 წელი — 875 ბიზნეს სუბიექტი;
-
2022 წელი — 15 021 ბიზნეს სუბიექტი;
-
2023 წელი — 12 449 ბიზნეს სუბიექტი;
-
2024 წელი — 7 997 ბიზნეს სუბიექტი;
-
2025 წელი — 7 581 ბიზნეს სუბიექტი.
ზოგადი კონტექსტი: 2026 წლის 1-ელი ივნისის მდგომარეობით, საქართველოში სულ 1 127 945 ბიზნეს სუბიექტია რეგისტრირებული, საიდანაც მოქმედია მხოლოდ 24% (275 823 კომპანია). რაოდენობრივად ყველაზე მეტი — 222 152 ბიზნესი — რეგისტრირებულია საბითუმო და საცალო ვაჭრობის, ასევე ავტომობილებისა და მოტოციკლების რემონტის სფეროში, თუმცა ამ მიმართულებით რეგისტრირებული კომპანიების 67% უფუნქციოა.
