2025 წელს საქართველოში მართვის მოწმობაზე მინიჭებული 100-ქულიანი ლიმიტი სრულად 560 მძღოლს ამოეწურა, რაც 2024 წლის მონაცემებთან შედარებით 200%-ით მეტია. ინფორმაციას BPN-ი შინაგან საქმეთა სამინისტროს ოფიციალურ სტატისტიკაზე დაყრდნობით ავრცელებს.
გამოქვეყნებული მონაცემებით, 2026 წლის მხოლოდ იანვარ-მარტის პერიოდში მართვის მოწმობაზე ქულები 165 091 პირს დააკლდა, ხოლო ლიმიტი სრულად 31-მა მძღოლმა ამოწურა.
რეგიონული სტატისტიკა (2026 წლის I კვარტალი):
ყველაზე მეტ მძღოლს ქულები დედაქალაქში დააკლდა, თუმცა ლიმიტის სრულად ამოწურვის შემთხვევები სხვა რეგიონებშიც დაფიქსირდა:
თბილისი – დააკლდა – 49 053-ს, ამოეწურა – 7-ს
იმერეთი – დააკლდა – 18 398-ს, ამოეწურა – 3-ს
ქვემო ქართლი – დააკლდა – 18 176-ს, ამოეწურა – 6-ს
აჭარა – დააკლდა – 15 497-ს, ამოეწურა – 4-ს
სამეგრელო-ზემო სვანეთი – დააკლდა – 13 389-ს, ამოეწურა – 1-ს
კახეთი – დააკლდა – 13 360-ს, ამოეწურა – 2-ს
შიდა ქართლი – დააკლდა – 8 635-ს, ამოეწურა – 3-ს
სამცხე-ჯავახეთი – დააკლდა – 4 950-ს, ამოეწურა – 0
გურია – დააკლდა – 4 587-ს, ამოეწურა – 0
მცხეთა-მთიანეთი – დააკლდა – 3 198-ს, ამოეწურა – 1-ს
აფხაზეთი – დააკლდა – 845-ს, ამოეწურა – 0
რაჭა-ლეჩხუმი და ქვემო სვანეთი – დააკლდა – 681-ს, ამოეწურა – 0
სხვა – დააკლდა – 14 322-ს, ამოეწურა – 4-ს.
