ტელეკომპანია „დოჟდის“ ჟურნალისტ ვალერია კიჩიგინას დაუსწრებლად 10 წლით თავისუფლების აღკვეთა მიესაჯა.
როგორც “ოსტოროჟნო, ნოვოსტი” იუწყება, კიჩიგინას ასევე 5 წლის ვადით აეკრძალა ინტერნეტში მასალების გამოქვეყნება.
ჟურნალისტისთვის (რომელიც „დოჟდზე“ ფაიზულინას გვარით აქვეყნებს მასალებს) ბრალდების მხარე დაუსწრებლად 10-წლიან პატიმრობას ითხოვდა. მას ბრალად დასდეს სოციალურ ქსელებში გამოქვეყნებული ორი პოსტი: 2022 წლის აპრილის ბუჩას მოვლენების შესახებ სტატიის რეპოსტი და „სთორი“ საქართველოში არსებულ კონფლიქტზე, სადაც ჟურნალისტმა დაწერა, რომ ქვეყნის 20% რუსეთის მიერ არის ოკუპირებული.
