ვალერი არქანიას სახელობის არტ-გალერეაში აფხაზეთის ლიტერატურისა და ხელოვნების შემოქმედებითი კავშირის, საერთაშორისო ლაბორტორია ”CYLAND”-ისა და არტ-ცენტრ “ПУШКИНСКАЯ-10”-ს ორგანიზებით 20 სექტემბრიდან 20 ოქტომბრის ჩათვლით თანამედროვე ხელოვნების გამოფენა ”სფუმატო” გაიმართება.
მედია არტ ლაბორატორია ”CYLAND” არის სამხატვრო ლაბორატორია, რომელმაც მთელი მსოფლიოდან მხატვრები, კრიტიკოსები, კურატორები, პროგრამისტები, ინჟინრები და მედია-აქტივისტები გააერთიანა.
”CYLAND” „სფუმატო“-ს გამოფენაზე ინსტალაციებს წარადგენს, ხოლო არტ-ცენტრი ”პუშკინსკაის-10” ექსპოზიციაში ცნობილი პეტერბურგელი მხატვრებისა და ფოტოგრაფების ნამუშევრებს, რომლებიც ფოტოგრაფიის ანალოგურ და ციფრულ შესაძლებლობებში ექსპერიმენტებს ატარებენ.
გამოფენა 20 სექტემბერს 18:00 საათზე გაიხსნება.
მისამართი: თბილისი, დიმიტრი უზნაძის 68.