რუსეთის ფედერაციის ზედამხედველობის სამსახურის მიერ რამდენიმე კვირის წინ მიღებული გადაწყვეტილების თანახმად, 12 მარტიდან აფხაზეთის ტერიტორიიდან რუსეთის ფედერაციაში ხილ-ბოსტნეულის გატანა აიკრძალა – აკრძალვის მიზეზია ფაროსანა, ავრცელებს რუსული უწყება.
საზღვარზე შემოწმდება ტვირთი, მათ შორის ხელბარგი – უწყების პრეს-სამსახური წერს.
მავნებელი ევროაზიული ეკონომიკური ზონის საკარანტინო ობიექტების ჩამონათვალშია, დოკუმენტი 2016 წლის 30 ნოემბერს მიიღეს. უწყების თქმით, მავნებელი უკიდურესად სწრაფად ვრცელდება რუსეთის ფედერაციაში.
