ფედერალური საგამოძიებო ბიუროს თანამშრომლებმა ოჰაიოში დააკავეს 20 წლის ახალგაზრდა, “მარტოხელა მგელი”, ამერიკელ სახელმწიფო მოხელეზე თავდასხმის დაგეგმვა და ამ მიზნით იარაღის შენახვა ედება ბრალად.
მან ფედერალური ბიუროს ყურადღება მას შემდეგ მიიქცია, რაც სოციალურ ქსელ “ტვიტერზე” ისლამური სახელმწიფოს მიმართ მხარდაჭერა გამოხატა.
დაკავებული კრისტოფერ კორნელის მამა აცხადებს, რომ მისი შვილი სოციალურ ქსელში აგრესიულ მესიჯებს პოსტავდა, თუმცა ის თავდასხმას არ გეგმავდა.
