ადგილობრივები პანკისში, დღეს დილით ჩატარებული სპეცოპერაციის დეტალებს იხსენებენ და ამბობენ, რომ 5 ახალგაზრდა სამართალდამცველებმა მოულოდნელად დააკავეს. ისინი ტერორიზმთან დაკავებულების კავშირს კატეგორიულად გამორიცხავენ – “წამოყარეს, არც ადვოკატი, არც გაფრთხილება, პირდაპირ თბილისში წაიყვანეს, 18- 19 წლის არიან, რასაც უნდა იმას ათქმევინებენ და დააბრალებენ” – ამბობენ პანკისელები.
დუისში ჩატარებულ სპეცოპერაციასთან დაკავშირებით სუს-ს ოფიციალური განცხადება ჯერჯერობით არ გაუვრცელებია.