17 ივლისს ფოთის ვალერიან გუნიას სახელობის პროფესიულ სახელმწიფო თეატრში რეგიონული თეატრების საერთაშორისო ფესტივალი საზეიმოდ გაიხსნება.
ფესტივალს 20:00 საათზე გახსნის თბილისის ,,რკინის თეატრი’’ სპეციალურად მისთვის შექმნილი კოპროდუქციით ,,ჩიტები’’ – რეჟისორი დავით ანდღულაძე; მონაწილეობენ: ნინელი ჭანკვეტაძე, დავით როინიშვილი, ზაზა თაგოშვილი და ნატო ესაკია.
სპექტაკლს წინ უძღვის 15 წუთიანი შოუ-პროგრამა თბილისის ,,დრამ შულისა’’ და მსახიობების მონაწილეობით, რომელიც თეატრის წინ, ღია სივრცეში გაიმართება.
გახსნას დაესწრებიან საზოგადოებისთვის ცნობილი სახეები, ხელოვანები და პოლიტიკოსები.