მინდელისა და ძიძიგურის მაღაროში დასაქმებულმა 1000-ზე მეტმა მეშახტემ, 17 დღიანი პროტესტი შეწყვიტა და სამუშაოს დაუბრუნდა.
მეშახტეებს ადმინისტრაციამ 5-დან 10%-მდე ხელფასების და სამუშაო პირობების გაზრდა შესთავაზა. გაფიცულები აცხადებდნენ, რომ თავდაპირველად, ეს მოთხოვენბი მათ აკმაყოფიელბთ, თუმცა შემდეგ, ხელფასების ეტაპობრივი ზრდა უნდა განხორციელდეს.
“17 დღე გაფიცულები ვიყავით. ჩვენი მოთხოვნა ხელფასების 40%-ით გაზრდა იყო, თუმცა ამ ეტაზპე, ამ წინადადებაზეც თანახმა ვართ. შევალთ, დავაკვირდებით და თუ რაიმე ისეთს შევამჩნევთ, გაფიცვა ყოველთვის შეიძლება”, – აცხადებს აქციის მონაწილე, მეშახტე, ლევან ბეშკენაძე.
პროფკავშირების პრეზიდენტი, ირაკლი პეტრიშვილი კი გარდა ხელფასების გაზრდისა და სამუშაო პირობების გაუმჯობესებისა, საკანონმდებლო დონეზე ტყიბულში მცხოვრები მამაკაცებისთვის საპენსიო ზღვარის 65-წლიდან 55-მდე შემცირებას ითხოვს. აღნიშნულთან დაკავშირებით, დეპუტატმა, ელისო ჩაფიძემ განაცხადა, რომ ამის შესახებ საკანონმდელბო ორგანოში უკვე აქტიურად საუბრობს.
