გერმანიის პარლამენტმა საქართველოს, მოლდოვისა და უკრაინის მიერ ევროკავშირთან ასოცირების შეთანხმების რატიფიცირება მოახდინა.დოკუმენტის რატიფიცირებას გერმანელ კანონმდებელთა უმრავლესობამ დაუჭირა მხარი.
“ასოცირების შეთანხმების რატიფიცირება ამ ქვეყნებისთვის ახალ ეტაპზე გადასვლაა, თუმცა საჭიროა კიდევ მეტი რეფორმები და ცვლილებების განხორციელება” – განაცხადა გერმანიის საგარეო საქმეთა მინისტრმა, ფრანკ-ვალტერ შტაინმაიერმა.
ასოცირების შეთანხმება საქართველომ, მოლდოვამ და უკრაინამ ევროკავშირთან გასული წლის ივნისში გააფორმეს. ხელშეკრულების ძალაში შესვლისთვის, საჭიროა მისი რატიფიცირება ევროკავშირის წევრმა ყველა ქვეყანამ მოახდინოს.
