13 ივნისის სტიქიის დროს დაზიანებული მანქანების მფლობელთათვის კომპენსაციის წესი დღეს თბილისის საკრებულომ დაამტკიცა.
ყველა იმ ავტომობილის მესაკუთრე, რომელიც არ იყო დაზღვეული და რომლის ღირებულებაც 5 000 დოლარზე ნაკლებია, 100 %-იან კომპენსაციას მიიღებს, ასეთი კი 82 მანქანაა.
ხოლო უფრო მეტი ღირებულების ავტომობილების მფლობელებს 70% აუნაზღაურდება.
დოკუმენტის მიხედვით, მანქანები, რომლებიც არ განადგურებულა, მაგრამ დაზიანდა, 25%-იან კომპენსაციას მიიღებენ.
დოკუმენტს მხარი ოპოზიციამაც დაუჭირა.
