შინაგან საქმეთა სამინისტრომ კახეთში, დედოფლისწყარო-სიღნაღი-თბილისის დამაკავშირებელ ავტომაგისტრალზე მომხდარ უბედურ შემთხვევასთან დაკავშირებით, რა დროსაც ერთი ჯარისკაცი გარდაიცვალა, გამოძიება დაიწყო.
შინაგან საქმეთა სამინისტროს ინფორმაციით, ფაქტზე გამოძიება სისხლის სამართლის კოდექსის 276-ე მუხლის მეხუთე ნაწილით დაიწყო, რაც ავტომობილის წესების უსაფრთხოების დარღვევას გულისხმობს, რამაც ადამიანის გარდაცვალება გამოიწვია.
დედოფლისწყარო-სიღნაღი-თბილისის დამაკავშირებელ ავტომაგისტრალზე, სამხედრო ავტომობილი ამოტრიალდა. შემთხვევის შედეგად ერთი ჯარისკაცი გარდაიცვალა, რამდენიმე კი დაშავდა. დაშავებული ჯარისკაცები დედოფლისწყაროს საავადმყოფოში გადაიყვანეს.
თავდაცვის მინისტრი ლევან იზორია შემთხვევის ადგილისკენ მიემართება.