გიორგი რუხაძემ პაატა ბურჭულაძის პარტია დატოვა

news
ავტ.: news სექტემბერი 13, 2016 11:31

გიორგი რუხაძემ პაატა ბურჭულაძის პარტია დატოვა

გიორგი რუხაძემ პაატა ბურჭულაძის მოძრაობა “სახელმწიფო ხალხისთვის” დატოვა. ამის შესახებ რუხაძემ დღეს გამართულ პრესკონფერენციაზე განაცხადა.

“ძალიან მიჭირს იმის თქმა, რაც უნდა ვთქვა, მაგრამ მე ვტოვებ პაატა ბურჭულაძის პარტიას, რადგან ეს აღარ არის ბურჭულაძის მოძრაობა. ეს აღარ არის ალტერნატივა არც “ქართული ოცნების”, არც “ნაციონალური მოძრაობის”. ეს აღარ არის ძალა, რომლის ლიდერია პაატა ბურჭულაძე. ეს არის ძალა, რომელსაც პავლე კუბლაშვილი და გიორგი მელაძე მართავენ და ემსახურება ბიძინა ივანიშვილის ინტერესს”,- განაცხადა რუხაძემ.

მისივე თქმით, თუ “სახელმწიფო ხალხისთვის” ბარიერს გადალახავს, ეს პოლიტიკური ძალა პარლამენტში “ქართული ოცნების” დამატება გახდება.

news
ავტ.: news სექტემბერი 13, 2016 11:31