11-15 აპრილს, სასტუმრო “რუმს ჰოტელ თბილისში” ნატოს ენერგოუსაფრთხოების ცენტრის, ნატო-ს ენერგეტიკული უსაფრთხოების ცნობიერების ამაღლების კურსი გაიმართება.
ამერიკის სამხედრო-საზღვაო აკადემიის და სსსტც დელტას მიერ ერთობლივად ორგანიზებულ კურსს, სხვადასხვა სამინისტროებიდან მოწვეული მსმენელები დაესწრებიან. კურსს საქართველოს ენერგეტიკის მინისტრი კახი კალაძე გახსნის.
ტრენინგს გაუძღვებიან ამერიკის სამხედრო-საზღვაო აკადემიის, ნატო-ს ენერგოუსაფრთხოების ცენტრის, ბრითიშ პეტროლიუმის, საქართველოში ამერიკის საელჩოს და ლიტვის თავდაცვის სამინისტროს წარმომადგენლები. ლექციებს წაიკითხავენ სსსტც დელტას გენერალური დირექტორი, ლიტვის ენერგეტიკის მინისტრის მოადგილე და NATO-ს ტრანსფორმაციის დარგში მოკავშირეთა სარდლობის წარმომადგენელი.
