10 ოქტომბერს აღმოსავლეთ საქართველოს მაღალმთაში თოვლია მოსალოდნელი

10 ოქტომბერს აღმოსავლეთ საქართველოს მაღალმთაში თოვლია მოსალოდნელი. გარემოს ეროვნული სააგენტოს მონიტორინგისა და პროგნოზირების ცენტრის ინფორმაციით, ამ დროისთვის შავი ზღვის სანაპირო რაიონებში, ასევე დასავლეთ საქართველოს თითქმის ყველა რაიონში წვიმს. თუმცა წვიმის ნალექის ინტენსივობა დღის განმავლობაში თანდათან შესუსტდება.

ხვალ დასავლეთ საქართველოს ზოგიერთ რაიონში წვიმა შენარჩუნდება. დღისით იწვიმებს აღმოსავლეთ საქართველოს უმეტეს რაიონში. დასავლეთ საქართველოს დაბლობში ჰაერის საშუალო ტემპერატურა 22 გრადუსამდე აიწევს. აღმოსავლეთ საქართველოს ბარში კი 17 გრადუსამდე იქნება. თბილისში ხვალ წვიმა და ნისლია მოსალოდნელი. ჰაერის ტემპერრატურა კი, 16 გრადუსი იქნება.
10 ოქტომბერს, დასავლეთ საქართველოს უმეტეს რაიონში კვლავ იწვიმებს და ტემპერატურა დღისით დაბლობში 18 გრადუსი იქნება. წვიმაა მოსალოდნელი აღმოსავლეთ საქართველოს ზოგიერთ რაიონშიც, მაღალმთაში კი ზოგან იქნება თოვლი. კერძოდ, გუდაურში, ბაკურიანში კი თოვლჭყაპია მოსალოდნელი.
10 ოქტომბერს როგორც დასავლეთ, ისე აღმოსავლეთ საქართველოში იქროლებს დასავლეთის მიმართულების ქარი 10-15 მეტრი წამში. ჰაერის ტემპერატურა აღმოსავლეთ საქართველოს ბარში დღისით 19 გრადუსი იქნება.
თბილისში შესაძლებელია ხანმოკლე წვიმა და ჩრდილო-დასავლეთის ქარი 10-15 მეტრი წამში. ჰაერის ტემპერატურა დღისით 17 გრადუსი დაფიქსირდება.
10 ოქტომბერს მაღალმთაში ღამით ტემპერატურა -1+4, ხოლო დღისით +4;+9 გრადუსი დაფიქსირდება.
11 ოქტომბერს გამოიდარებს და ტემპერატურა დასავლეთ საქართველოში 23 გრადუსი იქნება, აღმოსავლეთში _ 21 გრადუსი. თბილისში 18 გრადუსი და უნალექო ამინდია მოსალოდნელი.
11 ოქტომბერს აღმოსავლეთ საქართველოს მაღალმთაში აცივდება და დღისით ყინვები დაფიქსირდება. კერძოდ, -5;0. დასავლეთ საქართველოში ღამით მაღალმთაში -3+2 და უნალექო ამინდი იქნება. 11 ოქტომბერს ღამით ტემპერატურა დასავლეთ საქართველოს დაბლობში +8;+13; ხოლო აღმოსავლეთ საქართველოს ბარში +3;+8 გრადუსია მოსალოდნელი; თბილისში ღამით ტემპერატურა 8 გრადუსი იქნება.
12 ოქტომბერს საქართველოს ზოგიერთ რაიონებში კვლავ იწვიმებს. სინოპტიკოსები 15 ოქტომბრამდე ცვალებად ამინდებს პროგნოზირებენ. შემდეგ კი გამოიდარებს.

banner
წინა სტატიაშისასტუმრო “რედისონთან” სროლა იყო
შემდეგი სტატიაკახა კალაძე თბილისის მერად? – კალაძის პირველი კომენტარი