ავტოსაგზაო შემთხვევა საგარეჯოში მსხვერპლით დასრულდა. თვითმხილველების თქმით, სოფელ მანავში საპირისპიროდ მოძრავი ორი მსუბუქი ავტომანქანა ერთმანეთს შეეჯახა.
შედეგად ერთ-ერთი ავტომანქანის მძღოლი ადგილზე გარდაიცვალა, 6 მგზავრი კი დაშავდა. ისინი მრავლობითი დაზიანებებით სასწრაფო დახმარების ბრიგადამ ჯერ საგარეჯოს რაიონულ საავდმყოფოში, შემდეგ კი 3 დაშავებული თბილისის სხვადასხვა სამედიცინო დაწესებულებაში გადაიყვანეს.
დაშავებულთა შორის ერთი 7 წლის გოგონაა, ის მრავლობითი დაზიანებით იაშვილის კლინიკაში მოათავსეს. ორი ქალი კი გამოცდების ეროვნული ცენტრის თანამშრომელია, ისინი სიღნაღში საატესტატო გამოცდებზე მიდიოდნენ, ერთ-ერთის მდგომარეობა მძიმეა.
