საპროტესტო აქციების და პოლიტიკური კრიზისის პარალელურად ლარის კრიზისი პიკს აღწევს. ეროვნულმა ვალუტამ მორიგი ანტირეკორდი დაამყარა – ერთი დოლარის ოფიციალური ფასი 2 ლარსა და 85 თეთრს უახლოვდება, კომერციულ ბანკებსა და გადამცვლელ ჯიხურებში კი ის უკვე 2 და 90-ია. იზრდება ფასებიც, რაც ისედაც გაღარიბებული მოსალხეობისთვის მორიგი დარტყმაა. ეკონომისტები მთავრობისა და ეროვნული ბანკის სასწრაფო რეაგირების აუცილებლობაზე საუბრობენ.