1 აგვისტოდან მიწის რეგისტრაციის შესახებ კანონი სრულად ამოქმედდება

news
ავტ.: news ივლისი 28, 2016 10:33

1 აგვისტოდან მიწის რეგისტრაციის შესახებ კანონი სრულად ამოქმედდება

მიწის რეგისტრაციის შესახებ კანონი სრულად იწყებს მოქმედებას 1 აგვისტოდან, – განაცხადა საქართველოს პრემიერ-მინიტრმა გიორგი კვირიკაშვილმა მთავრობის სხდომაზე.

“ვფიქრობ რომ ესეც არის ძალიან მნიშვნელოვანი საკითხი ჩვენი მოსახლეობისთვის. რამდენადაც მე ვიცი, სტატისტიკურად, დღეს მხოლოდ 25 პროცენტია მიწის მასის დარეგისტრირებული, რაც არის დიდი პრობლემა. ერთის მხრივ იმიტომ, რომ ჩვენი მოსახლეობა ვერ ახდენს მათ მფლობელობაში არსებული მიწის კაპიტალიზაციას, გამოყენებას ეკონომიკური საქმიანობისთვის სრულად და მეორე, იმიტომ, რომ კერძო სექტორისთვის ზოგადად ეს არის დიდი პრობლემა და ვფიქრობ, რომ ძალიან კარგია, რომ მნიშვნელოვნად მარტივდება მიწის რეგისტრაცია და სახელმწიფო ეხმარება მოსახლეობას რეგისტრაციის პროცესში, მათ შორის ფინანსური ინსტრუმენტებითა და ვფიქრობ რომ ამ პროგრამის დასრულების შემდეგ ჩვენ გვექნება გაცილებით უფრო ჯანსაღი და სრული სურათი ამ მიმართულებით”,- აღნიშნა პრემიერმა.

გიორგი კვირიკაშვილის თქმით, კანონის ამოქმედება ხელს შეუწყობს სოფლის მეურნეობის განვითარებას და მიწის ბაზრის მოწესრიგებას.

“რა თქმა უნდა ეს არის უპირველეს ყოვლისა სოციალური საკითხიც. ჩვენი მოსახლეობის 50%- ზე მეტი კიდევ არის ჩართული სოფლის მეურნეობაში და სოფლად მოსახლეობის დამაგრებისათვის ეს არის ძალიან მნიშვნელოვანი პროექტი”,- განაცხადა მთავრობის მეთაურმა.

news
ავტ.: news ივლისი 28, 2016 10:33

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


6,108
ვიზიტორი
დღეში
Powered By Google Analytics