ოკუპირებული აფხაზეთის ე.წ. პრეზიდენტის პრესსამსახურის ინფორმაციით, ე.წ. პრეზიდენტი რაულ ხაჯიმბა დეკემბრის დასაწყისში რუსეთის დედაქალაქს სამუშაო ვიზიტით ეწვევა და ვლადიმერ პუტინს შეხვდება:
„1-2 დეკემბერს აფხაზეთის რესპუბლიკის პრეზიდენტი რაულ ხაჯიმბა სამუშაო ვიზიტით ეწვევა რუსეთის ფედერაციას, რომლის ფარგლებშიც შედგება შეხვედრა რუსეთის პრეზიდენტთან ვლადიმერ პუტინთან. შეხვედრის ფარგლებში დაგეგმილია ფართო სპექტრის საკითხების განხილვა, რომელიც აფხაზეთ-რუსეთის ურთიერთობებს ეხება“, – ნათქვამია ოკუპირებული აფხაზეთის ე.წ. პრეზიდენტის პრესსამსახურის მიერ გავრცელებულ განცხადებაში.
