ჰილარი კლინტონი შეერთებული შტატების საპრეზიდენტო მარათონში ჩართვისთვის ემზადება. wall street Journal-ის ცნობით, ყოფილი სახელმწიფო მდივანი გადაწყვეტილებას არჩევნებში მონაწილეობის შესახებ აპრილში გაახმაურებს.
ამერიკული გამოცემის ინფორმაციით კლინტონმა და მისმა მოკავშირეებმა უკვე შეატყობინეს დემოკრატიული პარტიის სპონსორებს მომავალი თვიდან საარჩევნო კამპანიის დაწყების თაობაზე.
ახალი პრეზიდენტი ამერიკელებმა 2016 წელს უნდა აირჩიონ.
გამოკითხვების თანახმად, ამომრჩევლის 54 პროცენტი მზადაა, ხმა ჰილარი კლინტონის სასარგებლოდ მისცეს, თუ მისი კონკურენტი რესპუბლიკური პარტიიდან, ქვეყნის ყოფილი პრეზიდენტის ჯორჯ ბუშის ძმა ჯეფ ბუში იქნება.