აშშ-ის ელჩმა უკრაინაში, ჯეფრი პაიატმა უკრაინის ქალაქ დებალცევოსთან განთავსებული რუსული არმიის კუთვნილი ტექნიკის ამსახველი ფოტომასალა გამოაქვეყნა. ამის შესახებ უკრაინული მედია იტყობინება.
როგორც ჯეფრი პაიატი ამტკიცებს, აღმოსავლეთ უკრაინაში განლაგებული სამხედრო ტექნიკა პრორუს მებრძოლებს არ ეკუთვნით და ის რუსეთიდანაა შეყვანილი.
“სეპარატისტებს ახლა უფრო მეტი ტანკი, მეტი ჯავშანტრანსპორტიორი, მძიმე არტილერია და სარაკეტო სისტემები აქვთ, ვიდრე ნატო-ს ზოგიერთ ქვეყანასა და ევროპას”, – წერს “ტვიტერის” საკუთარ გვერდზე პაიატი.