სამხრეთ კავკასიაში ნატო-ს გენერალური მდივნის სპეციალური წარმომადგენელი ჯეიმს აპატურაი ლევან დოლიძის საქმიანობას ნატო-ში საქართველოს მუდმივი წარმომადგენლის პოსტზე დადებითად აფასებს.
აპატურაიმ Facebook-ში თავის ოფიციალურ გვერდზე ლევან დოლიძესთან, მის მეუღლესთან და ევროკავშირში საქართველოს ელჩ ნატალი საბანაძესთან ერთობლივი ფოტო გამოაქვეყნა.
“გამოსამშვიდობებელი სადილი საქართველოს შესანიშნავ ელჩთან ნატოში, ლევანთან და მის მომხიბვლელ მეუღლე ქეთევანთან. შეიძლება ის არ არის განათლებით დიპლომატი, მაგრამ ძალიან დიდი სამსახური გაუწია საქართველოს. ასევე, მქონდა პატივი შევხვედროდი საქართველოს ელჩს ევროკავშირში, რომელმაც ასევე ძალიან ბევრი გააკეთა, რათა საქართველოს ევროპული მომავლის განმტკიცებაში დახმარებოდა”, – წერს აპატურაი.
ლევან დოლიძემ ნატო-ში საქართველოს მუდმივი წარმომადგენლის პოსტი ოფიციალურად 26 იანვრიდან დატოვა.