ჯანდაცვის მინისტრის მოადგილემ დავით ლომიძემ თანამდებობა დატოვა.
როგორც სამინისტროს პრესსამსახურში აცხადებენ, ლომიძემ თანამდებობა საკუთარი სურვილის საფუძველზე გუშინ დატოვა.
მათივე განმარტებით, ჯერჯერობით უცნობია, ვინ დაიკავებს დავით ლომიძის თანამდებობას, ან სად გეგმავს უკვე მინისტრის ყოფილი მოადგილე მუშაობის გაგრძელებას.
დავით ლომიძე ჯანდაცვის სამინისტროში მინისტრის მოადგილედ 2007 წლიდან მუშაობდა.
