ხულოში მომხდარ ინციდენტთან დაკავშირებით, შინაგან საქმეთა სამინისტრომ გამოძიება სისხლის სამართლის კოდექსის 240-ე მუხლის მეორე ნაწილით დაიწყო.
ხულოში, მშენებარე გვირაბთან ხიდის მშენებლობის დროს, დამხმარე ნაგებობის მოხსნის პროცესში ამწის ხიდი გადატყდა, რასაც 2 მშენებლის სიცოცხლე ემსხვერპლა, ერთი კი მძიმე მდგომარეობაში თავდაპირველად ხულოს საავადმყოფოში, შემდეგ კი ბათუმის სამედიცინო დაწესებულებაში გადაიყვანეს.
თვითმხილველთა თქმით, მშენებლები უსაფრთხოების ღვედების გარეშე მუშაობდნენ და 40-50 მეტრის სიმაღლიდან ჩამოვარდნენ. კომპანიას მომხდარის მიუხედავად, სამუშაო არ შეუჩერებია. შემთხვევის ადგილი სამართლადამცველებმა უკვე დაათვალიერეს.