პარლამენტის საპროცედურო საკითხთა და წესების კომიტეტი ხვალ დეპუტატ დავით საგანელიძისთვის პარლამენტის წევრის უფლებამოსილების ვადამდე შეწყვეტის საკითხს განიხილავს. კომიტეტის სხდომა ქუთაისში 11.30 საათზეა დანიშნული.
მას შემდეგ, რაც პარლამენტი საგანელიძეს სადეპუტატო უფლებამოსილებას შეუწყვეტს, პარლამენტის დღის წესრიგში ადგილმონაცვლის ცნობის საკითხი დადგება.
საპარლამენტო უმრავლესობის ლიდერმა დავით საგანელიძემ საპარტნიორო ფონდის თავმჯდომარის თანამდებობა დაიკავა, რაც პარლამენტის წევრობასთან შეუთავსებელია.