სასამართლოს გადაწყვეტილება თავისუფალმა დემოკრატებმა შეაფასეს. მათი თქმით, შედეგი გარდაუვალი იყო, პროცესის მიმდინარეობიდან კი გამოიკვეთა პროკურატურის საქმიანობაზე მმართველი გუნდის გავლენა.
“საკონსტიტუციო სასამართლოს გადაწყვეტილების შემდეგ შედეგი, რომელიც დადგა, გარდაუვალი იყო. ამან დაგვანახა, რომ ხელისუფლებას და მმართველ კოალიციას შეუძლია გათელოს ყველა ინსტიტუტი, რათა საკუთარ შედეგს მიაღწიოს. ისინი პოლიტიკური მეთოდებით ცდილობენ პროკურატურას გადაეფარონ, ამ ყველაფრით კი საბოლოოდ ქვეყანაში ნორმალურ სამართალწარმოებას ბოლო მოუღონ,“-განაცხადა ირაკლი ჩიქოვანმა.
