წინა ხელისუფლების პერიოდში სკოლებიდან გათავისუფლებული პედაგოგების საქმეების შემსწავლელმა კომისიამ მუშაობა დაასრულა.
800–მდე მიღებული განაცხადიდან კომისიის წევრებმა პოლიტიკური ნიშნით გათავისუფლების დასკვნა 23 პედაგოგის შემთხვევაში დადეს.
მათ შორის 7 სკოლის დირექტორია.
განათლების სამინისტროში აცხადებენ, რომ 23–ვე მათგანის სკოლებში დაბრუნებაზე მუშაობა დაწყებულია.
არასამთავრობო ორგანიზაციებისა და სახალხო დამცველის წარმომადგენლებისაგან შემდგარი კომისია ორი წლის წინ გიორგი მრგველაშვილის მინისტრობის პერიოდში შეიქმნა.