წალენჯიხის მუნიციპალიტეტში, ჯვარისა და წალენჯიხის ტერიტორიაზე, სადაც 220 ბენეფიციარი ირიცხება უკვე ორი თვეა არ ფუნქციონირებს უფასო სასადილო. საინფორმაციო სააგენტო ” თაიმერს” წალენჯიხიდან დაუკავშირდა ერთ–ერთი ბენეფიცირი,რომელსაც წალენჯიხაში ვერ გაურკვევია თუ რატომ არ მუშაობს ამდენი ხნის განმავლობაში უფასო სასადილო.
“რამდენი წელია უფასო სასადილოში დავდიოდი. რატომ არ არის უფასო სასადილო? ვის არ ვკითხე,მაგრამ პასუხის ღირსად არავინ ჩამთვალა. ნახევრად მშიერი დავდივარ. გაჭირვებას რა ვუთხარი თორემ….ამაზე დავრეკავდი? ისიც მეზობელმა დამარეკვინა. ძლივს დავდივარ. ჯვარში ვცხოვრობ, ცხელი საჭმელი მენატრება. მითხარი შვილო ვის ეკისრება პასუხისმგებლობა ჩვენი მშივრად დატოვების? დამეხმარეთ გთხოვთ?”–განუცხადა “თაიმერს” ქალბატონმა ტატიანამ.
ამ საკითხთან დაკავშირებით “თაიმერი” დაუკავშირდა წალენჯიხის გამგეობას. როგორც გამგებლის პრესამსახურის უფროსმა ეკა ბელქანიამ აღნიშნა ” რამდენიმე თვის წინ უფასო სასადილოებთან დაკავშირებით ტენდერი გამოცხადდა, რომელშიც მონანწილეობა სამმა იურიდულმა პირმა მიიღო. გაიმარჯვა შპს”ალიონმა”, თუმცა ტექნიკური დოკუმენტაციის უზუსტობის გამო აღნიშნულ შპს დისკვალიფიკაცია მიენიჭა. კომპანიის მიერ საკითხი გასაჩივრებულია შესყიდვების სააგენტოში, რომელიც განხილვის პროცესშია….
