რამდენიმე წუთის წინ ავტოსაგზაო შემთხვევა მოხდა წალენჯიხაში. წალენჯიხიდან ზუგდიდისკენ მიმავალი ტრაილერი “მერსედესის” მარკის მსუბუქ ავტომანქანას შეეჯახა. ავტოავარიის შედეგად მძიმედ დაშავდა “მერსედესის” მარკის მსუბუქი ავტომანქანის მძღოლი ბ სამუშია, რომელიც ზუგდიდის რეფერალურ ჰოსპიტალში სასწრაფო სამედიცინო დახმარების ბრიგადამ გადაიყვანა. ექიმების განცხადებით ავტოავარიის შედეგად დაშავებული პაციენტის მდგომარეობა კრიტიკულად მძიმეა.
აღნიშნულ ავტოავარიასთან დაკავშირებით ადგილზე მობილიზებულია პოლიციის ქვედანაყოფები. მიმდინარეობს საგამოძიებო მოქმედებები.