ალექსის ციპრასმა ის მინისტრები მოხსნა, რომლებიც საერთაშორისო კრედიტორებთან შეთანხმების წინააღმდეგ წავიდნენ.
საბერძნეთის პრემიერმა თანამდებობიდან მთავრობის 9 წევრი გაათავისუფლა, მათ შორის მინისტრები და მათი მოადგილეები.
სამთავრობო ცვლილებების პარალელურად ევროზონის წევრი ქვეყნების ფინანსთა მინისტრებმა თანხმობა განაცხადეს გარდამავალ პერიოდში ათენისთვის 7 მილიარდი ევროს გამოყოფაზე.
ევროჯგუფმა მორიგი კრედიტი მას შემდეგ შეათანხმა, რაც საბერძნეთის პარლამენტმა რეფორმების პაკეტი დაამტკიცა, რომლებიც, კრედიტორების მოთხოვნის შესაბამისად, კანონმდებლებს ალექსის ციპრასმა წარუდგინა.
