სახალხო დამცველი სტიქიის გამომწვევი მიზეზების დასადგენად გამოძიების დაწყებას ითხოვ-ამის შესახებ ომბუდსმენმა უჩა ნანუაშვილმა თოქ-შოუ არჩევანში ისაუბრა.
“არის ლეგიტიმური კითხები, თუ რამდენად იყო ამ ინფრასტრუქტურული პროექტების განხორციელების დროს გეოლოგთა მიერ მომზადებული დასკვნები. არის კითხები და ამ კითხვებს პასუხები უნდა გაეცეს. უნდა იქნას შესწავლილი, უნდა დადგინდეს, რამ გამოიწვია სტიქია. ამ ტრაგედიამ უნდა გამოგვაფხიზოლს და გარემოს დაცვის საკითხები უნდა იყოს აღქმული სათანადოდ. უნდა შეიცვალოს სახელმწიფოს დამოკიდებულება. სახეზე გვაქვს ტრაგედია და ამის გამომწვევი მიზეზები უნდა დადგინდეს,” – განაცხადა უჩა ნანუაშვილმა.
სახალხო დამცველი სამაშველო სამსახურის ფინანსებითა და ტექნიკური აღჭურვით დაინტერესებას აპირებს.მისის განცხადებით ჩემი შესწავლის საგანი გახდება სამაშველო სამსახური, თუნდაც მათი ფინანსები, რომელიც არის გამოყოფილი ამ სამსახურისთვის. მე კითხვა მაქვს, აქვს თუ არა ამ სამსახურს ვერტმფრენი ან ასეთი კატასტროფის დროს საჭირო აღჭურვილობა,” – განაცხადა ნანუაშვილმა.
