ცენტრალური კრიმინალური პოლიციის დეპარტამენტის ქვემო ქართლის სამხარეო სამმართველოს თანამშრომლებმა, 1986 წელს დაბადებული გიორგი ფ. თბილისში, ვაჟა ფშაველას გამზირზე დააკავეს.
სამართალდამცველებმა, დაკავებულის პირადი ჩხრეკისას, „ნაგანის“ ტიპის რევოლვერი და 7 საბრძოლო ვაზნა ნივთმტკიცებად ამოიღეს.
გამოძიება ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვის და ტარების ფაქტზე მიმდინარეობს.