შვეიცარიის საპარლამენტო არჩევნებზე 28%-ით ნაციონალ-კონსერვატიული სახალხო პარტია ლიდერობს. უკანასკნელი მონაცემებით, ის 200 ადგილიდან 65-ს აიღებს ეროვნულ საბჭოში. ამის შესახებ “დოიჩე ველე” წერს. ამდაგვარად, პარტიას 2007 წელთან შედარებით სამი ადგილით მეტი ექნება.
არჩევნებზე მეორე ადგილზე გავიდა სოციალ-დემოკრატიული პარტია, რომელიც ევროკავშირთან მჭიდრო კავშირის ინიციატივით და მიგრაციის წინააღმდეგ გამოდის. მას ხმა ამომრჩევლების 18%-მა მისცა.
მესამე ადგილზე ლიბერალები გავიდნენ და მათი შედეგია 16%.
როგორც ანალიტიკოსები ამბობენ, სავარაუდოდ, ოთხი წამყვანი პარტიის კოალიციაა მოსალოდნელი. კოალიციის გამოცდილება შვეიცარიის პარლამენტს 1950 წლიდან აქვს.
მოქალაქეებმა მიმდინარე არჩევნებზე ეროვნული საბჭოს 200 დეპუტატი და კანტონების 46 წევრი აირჩიეს.