პროკურორებმა განაცხადეს, რომ 2-საათიან დროში საკონსტიტუციო სასამართლოს სარეზოლუციო ნაწილის გაცნობა შეუძლებელი იყო.
ჯარჯი წიკლაურის თქმით, სასამართლომ ბრალდების მხარესთან მიმართებაში დაარღვია შეჯიბრებითობის და თანასწორობის პრინციპი და მას განუსაზღვრა არაგონივრული დრო. “შეუძლებელია სამოტივაციო ნაწლის 2 საათში გაცნობა, მაშინ, როდესაც ამაზე 9 მოსამართლე 4 თვე მუშაობდა”, – განაცხადა პროკურორმა.
საქალაქო სასამართლოში გიგი უგულავას საქმეზე პროცესი 2 საათიანი შესვენების შემდეგ განახლდა. სარეზოლუციო ნაწილის გაცნობისთვის დროის განსაზღვრის შუამდგომლობა 7 ნოემბრის საქმის ერთ-ერთმა პროკურორმა ჯარჯი წიკლაურმა დააყენა, რის შემდეგაც პროცესზე ორი საათი შესვენება იყო გამოცხადებული.