გასულ ღამეს, წალენჯიხის მეორე საჯარო სკოლაში ქურდობა მოხდა. როგორც „თაიმერის“ კორესპონდენტი შემთხვევის ადგილიდან იუწყება, ქურდებმა სკოლის დირექტორის ოთახიდან ქსეროქსი, ხოლო სამასწავლებლოდან კომპიუტერი წაიღეს .
სკოლის დირექტორის, მანანა სონგულიას ინფორმაციით, მან სკოლის შენობა გუშინ საღამოს 7 საათისთვის დატოვა. დღეს დილით მოსულს კი მისი კაბინეტი და სამასწავლებლოს ოთახი გატეხილი დახვდა.
ამ წუთებში, ადგილზე კრიმინალისტები და კინოლოგები მუშაობენ. მათ მომხდართან დაკავშირებით ჯერჯერობით არანაირი კომენტარი არ გაუკეთებიათ. „თაიმერის“ კორესპონდენტის ინფორმაციით, ამ წუთებში სკოლის დარაჯის დაკითხვაც მიმდინარეობს.