ჩინეთის მთავრობამ, ცეცხლის ეპიდცენტრიდან სამი კილომეტრის რადიუსში ევაკუაცია გამოაცხადა.
სააგენტო სინხუას ცნობით, ცეცხლი ჯერ კიდევ არ არის ლიკვიდირებული, რაც მომწამლავი ნივთიერებების გავრცელებას იწვევს.
შემთხვევის ადგილზე სამხედრო ექსპერტ-ქიმიკოსები მუშაობენ. ცეცხლის ჩაქრობაში 1000-ზე მეტი ადამიანია ჩართული, მათ შორის 140 სახანძრო ბრიგადა.
ქალაქ ტანძინში აფეთქების შედეგად დაახლოებით 85 ადამიანი დაიღუპა, დაზიანებულია ასობით ადამიანი.
საწყობი ფირმა Ruihai Logistics-ს ეკუთვნის, რომელიც ტოქსიკური ქიმიური ნოვთიერებების გადაზიდვით არის დაკავებული. სავარაუდოდ, საწყობში აფეთქების მომენტში 700 ტონა ნატრიუმის ციანიდი ინახებოდა.
კომპანია უსაფრთხოების ნორმების დარღვევაში დაადანაშაულეს. ჩინეთის მთავრობამ მათი მკაცრად დასჯა მოითხოვა.
