ქალთა წარმომადგენლობის გაზრდის მიზნით, საკანონმდებლო ცვლილებები მომზადდა

პარლამენტსა და ადგილობრივი თვითმმართველობის ორგანოებში ქალთა წარმომადგენლობის გაზრდის მიზნით, პარლამენტს საკანონმდებლო ცვლილებები წარედგინა.
“საარჩევნო კოდექსსა” და “მოქალაქეთა პოლიტიკური გაერთიანებების შესახებ” კანონში ცვლილებების პროექტი დეპუტატ ნანა ყეინიშვილის სახელით არის ინიცირებული.
საარჩევნო კანონმდებლობაში დაგეგმილი ცვლილებების მიხედვით, საპარლამენტო არჩევნებისას წარდგენილ პარტიულ სიაში, სქესთა შორის ბალანსის დაცვის უზრუნველყოფის მიზნით, პირველ ხუთ ათეულში კანდიდატს შორის, არანაკლებ ყოველი მესამე კანდიდატი განსხვავებული სქესის წარმომადგენელი უნდა იყოს.
რაც შეეხება ადგილობრივ თვითმმართველობის ორგანოებს, არჩევნებისთვის წარდგენილი პარტიული სიის პირველ ორ ათეულში არანაკლებ ყოველი მესამე კანდიდატი განსხვავებული სქესის წარმომადგენელი უნდა იყოს, ხოლო თბილისის საკრებულოს შემთხვევაში, სიის პირველ სამ ათეულში არანაკლებ ყოველი მესამე კანდიდატი უნდა წარმოადგენდესს განსხვავებულ სქესს.
გარდა ამისა, ამ მიმართულებით პარლამენტისთვის შეთავაზებულია პარტიათა ფინანსური წახალისება, რასაც “მოქალაქეთა პოლიტიკური გაერთიანებების შესახებ” კანონში დაგეგმილი ცვლილებები ითვალისწინებს. აღნიშნული კანონის მოქმედი რედაქციით, პარტია, რომელიც საბიუჯეტო დაფინანსებას იღებს, ასევე იღებს საბაზო დაფინანსებაზე დანამატს – საბაზო დაფინანსების 30%-ის ოდენობით, თუკი პარტიის ან შესაბამისი საარჩევნო ბლოკის მიერ არჩევნებზე წარდგენილ სიაში კანდიდატთა პირველ, მეორე და ყოველ მომდევნო ათეულში ერთიმეორისაგან განსხვავებული სქესი წარმოდგენილია, სულ მცირე 30%-ით. ამ მხრივ პარტიების ფინანსურად კიდევ უფრო მეტად წახალისდებიან და მიიღებენ საბაზისო დაფინანსების ოდენობის 50%-იან დანამატს, თუკი სიაში ყოველი მეორე კანდიდატი განსხვავებული სქესის წარმომადგენელი იქნება.

banner
წინა სტატიაშითბილისის მერია სტიქიის შედეგად დაზარალებულთა განსახლების გეგმას უახლოეს დღეებში წარადგენს
შემდეგი სტატიათბილისის ზოოპარკი სტიქიამდე ზოოპარკში არსებული ცხოველების სიას აქვეყნებს