ფასანაური-მლეთის გზა უახლოეს ხანებში გაიხსნება

აავტომობილო გზების დეპარტამენტმა ფასანაური-მლეთის საავტომობილო გზის გაწმენდა დაიწყო და უახლოეს ხანში გზა გაიხსნება.

რეგიონული განვითარებისა და ინფრასტრუქტურის სამინისტროს ინფორმაციით, სამუშოების დაწყება შესაძლებელი გახდა მას შემდეგ, რაც გარემოს ეროვნულმა სააგენტომ გზის ამ მონაკვეთზე ზვავსაშიშროების რეჟიმი მოხსნა. რეჟიმის შეცვლისთანავე, გზის გაწმენდითი სამუშაოები მლეთა-გუდაურის მიმართულებითაც დაიწყება.

ამ დროისთვის ქარბუქიდან გამოყვანილია ნინოწმინდის მუნიციპალიტეტში გზაზე ჩარჩენილი ყველა ადამიანი, შესაბამისი სამსახურების მიერ, ეტაპობრივად ხორციელდება მანქანების გამოყვანა. ინტენსიური თოვა რეგიონში ისევ გრძელდება, რის გამოც, მოძრაობა შეზღუდულია ნინოწმინდა-სომხეთის საზღვრის, ნინოწმინდა-ფარავნის მიმართულებით.

მოძრაობა შეზღუდულია, ასევე, ხაიში-მესტიის მიმართულებით, თუმცა, გზის ამ მონაკვეთზე მთელი ღამის განმავლობაში მუშაობდა შესაბამისი ტექნიკა.

საქართველოს რეგიონული განვითარებისა და ინფრასტრუქტურის სამინისტრო, საქართველოს საავტომობილო გზების დეპარტამენტი სრულად არიან მობილიზებულები დიდთოვლობის გამო გზებზე შექმნილი ყველა შეფერხების აღმოსაფრხვრელად.

banner
წინა სტატიაში2 დღის წინ დაკარგული გიორგი ადეიშვილი ოჯახში დაბრუნდა
შემდეგი სტატიაგიორგი ადეიშვილის დედამ ჟურნალისტებთან შვილის ჯანმრთელობის მდგომარეობაზე ისაუბრა