უკრაინის უშიშროების სამსახურმა განაცხადა, რომ დაადგინა არხი, საიდანაც უკრაინის ექს-პრეზიდენტის შვილმა ალექსანდრ იანუკოვიჩმა ქვეყნიდან თანხების გატანა შეძლო.
საუბარია 10 მილიონ გრივენზე (468 ათასი დოლარი).
“ვალუტის საზღვრებს გარეთ გასატანად ჰოლდინგ “მაკოს” ერთ-ერთმა კომპანიამ ფიქტიურად რუსეთის ფედერაციიდან შეიძინა ტექნიკა, რომელიც თითქოს უკრაინაში უნდა იმპორტირებულიყო. ამ ფინანსური მაქინაციისას უკრაინას უკვე ვერ აკონტროლებდა იანუკოვიჩი” – ნათქვამია უკრაინის უშიშროების სამსახურის მიერ გავრცელებულ განცხადებაში.
რა სახის ტექნიკაზეა საუბარი, ჯერჯერობით არ კონკრეტდება.
უშიშროებამ ქვეყნის გენერალურ პროკუტარურას მიმართა წარმოების საბანკო ანგარიშები დააყადაღოს.
ადრე დონეცკის სამხედრო-სამოქალაქო ადმინისტრაციაში განაცხადეს, რომ იქ მუშაობას აგრძელებენ კომპანიები, რომელიც ძებნაში მყოფ იანუკოვიჩს ეკუთვნის.
უკრაინის მთავრობა ექს-პრეზიდენტის შვილს სახელმწიფო თანხების მითვისებაში, სახელმწიფო ფალსიფიცირებაში, დოკუმენტების გაყალბებაში ადანაშაულებს, რომელმაც მძიმე შედეგები დააყენა.
უმცროს იანუკოვიჩს, რომელიც რუსეთში იმყოფება, უშიშროების სამსახურის მიერ გავრცელებულ განცხადებაზე კომენტარი არ გაუკეტებია.