ევროსაბჭოს საპარლამენტო ასამბლეა ცოტა ხანში კენჭს უყრის რეზოლუციას და შესაბამისად, ცნობილი გახდება რუსეთს ხმის უფლებას აღუდგენენ, თუ მის წინააღმდეგ ახალი, უფრო მკაცრი ზომები გატარდება. ამ წუთებში სხდომათა დარბაზში დებატები მიმდინარეობს, რომელშიც ქართული დელეგაციაც მონაწილეობს. სიტყვით გამოვიდა უმცირესობის ლიდერი დავით ბაქრაძე, რომელმაც ასამბლეის წევრებს რეზოლუციაში საქართველოს ოკუპირებულ რეგიონებზე შესწორების მხარდაჭერისკენ მოუწოდა.
„უკრაინა არ არის რუსეთის ქმედებების ერთადერთი მსხვერპლი, მისი მსხვერპლია საქართველოც. რუსეთმა მოახდინა ოკუპირებულ სამხრეთ ოსეთთან ხელმოწერილი ე.წ. დოკუმენტის რატიფიცირება და ამით ცდილობს სრულად შთანთქოს საქართველოს რეგიონები,“-განაცხადა დავით ბაქრაძემ.