დასავლური სააგენტოების ცნობით, მინსკში მიმდინარე მოლაპარაკებებზე შესამუშავებელი დოკუმენტის მიხედვით, უკრაინის კონფლიქტურ რეგიონში ცეცხლის შეწყვეტა 2015 წლის 14 თებერვალს უნდა დაიწყოს. გათვალისწინებულია აგრეთვე მძიმე ტექნიკის დაშორიშორებით დემილიტარიზებული ზონის შექმნა კონფლიქტურ რეგიონსა და უკრაინის კონტროლირებად ტერიტორიას შორის. საუბარია აგრეთვე 2015 წლის ბოლომდე, რუსეთ-უკრაინის საზღვრის მთლიან ჩაკეტვასა და უცხო ქვეყნის შეიარაღებული ფორმირებების უკრაინიდან სრულად გაყვანაზე.