უკრაინაში ქართველი მიგრანტები დააკავეს, რომლებიც ქვეყნის გავლით ევროკავშირში ცდილობდნენ მოხვედრას. ინფორმაციას უკრაინის სასაზღვრო სამსახური ავრცელებს.
განცხადებაში აღნიშნულია, რომ მესაზღვრეებმა 8 არალეგალი დააკავეს, მათ შორის არიან სირიის, ავღანეთის, პაკისტანის, სომხეთისა და საქართველოს მოქალაქეები. უწყება არ აკონკრეტებს საქართველოს რამდენ მოქალაქეზეა საუბარი. სასაზღვრო სამსახურის ცნობით, დაკავების ოპერაცია ორ სხვადასხვა გამშვებ პუნქტზე ჩატარდა და ყველა მათგანი საზღვრის გადაკვეთას საბუთების გარეშე ცდილობდა.
