უკრაინის შს მინისტრმა არსენ ავაკოვმა ხელი მოაწერა ბრძანებას, რომლის მიხედვითაც კიევის საპატრულო პოლიციის უფროსად 28 წლის მაიორი ალექსანდრე ფაცევიჩი დაინიშნა.
ალექსანდრე ფაცევიჩი უკრაინის შსს-ს ერთერთი ყველაზე ავტორიტეტული სპეცრაზმის მეთაურია. როგორც არსენ ავაკოვი წერს, მას დიდი ძალისხმევა დასჭირდა, რათა ის დაეთანხმებინა.
ფაცევიჩმა და მისმა სპეცრაზმმა განსაკუთრებით გაითქვა სახელი დებალცევოს ცნობილი ალყის დროს, როცა სპეცრაზმელები ალყიდან უდანაკარგოდ გამოვიდნენ და იარაღი და საბრძოლო ტექნიკაც გამოიტანეს. მაშინ ფაცევიჩი მედლით „სიმამაცისთვის“ დაჯილდოვდა.
შეგახსენებთ, უკრაინაში საპატრულო პოლიცია პირველად კიევში, 4 ივლისიდან ამოქმედდება.