ძლიერი წვიმის გამო თბილისში მოძრაობა პარალიზებულია. საცხოვრებელი სახლები და სარდაფები კი წყლით გაივსო.ამ დროისთვის ყველაზე მძიმე მდგომარეობა უზნაძის ქუჩაზეა- ამის შესახებ “რუსთავი2” საგანგებო სიტუაციების მართვის სამსახურზე დაყრდნობით ავრცელებს ინფორმაციას.
მაშველების ინფორმაცით, ერთ-ერთი საცხოვრებელი სახლის სარდაფი წყლით გაივსო, იქ მყოფილი ერთი ადამიანის ამოყვანა კი ვერ ხერხდება.
ძლიერი წვიმის გამო თბილისში რამდენიმე შენობა დაიზიანდა. შემთხვევის ადგილზე მაშველები მუშაობენ.
დატბორილია ფიროსმანის,დოლიძის, აღმაშენებლის ქუჩის ნაწილი, მარჯანიშვილის მოედანი, უნივერსიტეტის ქუჩის დასაწყისი და რამდენიმე ადგილი სანაპიროზე. ნიკოლაძის, წინამძღვრიშვილის,მინდელის, კოსტავას ქუჩები, ვაჟა–ფშაველა. ასევე ვაკის საცურაო აუზის მიმდებარე ტერიტორია.წვიმის გამო ჩამოინგრა კაზინო “ევროპის” კედელი, სადაც ამ წუთებში მაშველები მუშაობენ.
სამაშველო სამსახური მუშაობს ფილარმონიასთან მდებარე მიწისქვეშა გადასასვლელში.
