ტექდათვალიერების ვალდებულება ორი წლით გადაიწევს

სატრანსპორტო საშუალებების ტექდათვალიერების ვალდებულება ორი წლით გადაიწევს. შესაბამისი კანონპროექტი მთავრობის ინიციატივით პარლამენტს უკვე წარედგინა , რომლის განხილვაც დაჩქარებული წესით იგეგმება.
“საგზაო მოძრაობის შესახებ” ჯერ კიდევ მოქმედი კანონის თანახმად, საქართველოში ავტოსატრანსპორტო საშუალებების ტექნიკური დათვალიერება სავალდებულო მიმდინარე წლის 1 მარტიდან ხდება. პარლამენტში წარდგენილი პროექტის მიხედვით კი, ეს ვადა 2017 წლის 31 დეკემბრისთვის გადაიწევს.
ტექნიკური მდგომარეობის განსაზღვრის მიზნით, გზისთვის ვარგისობაზე სავალდებულო ტესტირებას მხოლოდ ის სატრასპორტო საშუალებები ექვემდებარება, რომლებიც ახორციელებენ ადგილობრივ საქალაქო რეგულარულ სამგზავრო გადაყვანას, საერთაშორისო გადაყვანა-გადაზიდვას, სახიფათო ტვირთის გადაზიდვას და რომელთაც სამი ტონა და მეტი ტვირთამწეობა გააჩნიათ. სხვა სახის ავტოსატრანსპორტო საშუალების მფლობელისათვის ტექდათვალიერების განხორციელება ნებაყოფლობითია.

banner
წინა სტატიაშიაფხაზური ტელევიზიები მეგრულად მაუწყებლობისთვის ემზადებიან
შემდეგი სტატიაზუგდიდის სახელმწიფო დრამატული თეატრის მმართველმა თანამდებობა დატოვა