სუპერთასის მატჩზე დასასწრები ბილეთები ხვალიდან გაიყიდება. ქართველი გულშემატკივრებისთვის 24 ათასი ადგილი გამოიყო. უცხოელი ქომაგები კი დარჩენილ ბილეთებს ამავე ვებ-გვერდზე ზეგიდან იყიდიან.
Biletebi.ge-ს წარმომადგენლები არ გამორიცხავენ, რომ დიდი რაოდენობით მომხმარებელთა შესვლამ საიტზე შესაძლოა ტექნიკური პრობლემები ამჯერადაც შექმნას, თუმცა ამბობენ, რომ ვებ-გვერდი ბოლო დღეების განმავლობაში ტექნიკურად გააძლიერეს.
წესები უცვლელი დარჩა. თითოეულ მომხმარებელს მხოლოდ 4 ბილეთის შეძენა შეეძლება. უცვლელია ფასი – არენაზე 7, 15 და 30 ევროიანი ადგილები გამოიყო.
