პრემიერ-მინისტრის ირაკლი ღარიბაშვილის ინფორმაციით გაწმენდითი სამუშაოების მიმდინარეობისას, კიდევ ერთი უგზო-უკვლოდ დაკარგული პირი, გარდაცვლილი იპოვეს.
ირაკლი ღარიბაშვილის განცხადებით ნაპოვნია 1959 წლის 6 დეკემბერს დაბადებული სულიკო დიმიტრის ძე ნოზაძე.
“კიდევ ერთხელ ღრმა მწუხარებას გამოვთქვამთ დაღუპულთა გამო და მათ ოჯახებს ვუსამძიმრებთ”, – განაცხადა პრემიერმა საგანგებო შტაბის სხდომაზე.
ამ დროისთვის უგზო-უკვლოდ დაკარგულად ოფიციალური ინფორმაციით 4 ადამიანი ითვლება.