სტიქიის ძირითად სამივე ზონაში სრული დატვირთვით განახლდა სამუშაოები.
ადგილზე 114 სამხედრო მოსამსახურე დილის 7 საათიდან აქტიურად ჩაება სარეაბილიტაციო სამუშაოებში.
ზოოპარკისა და მზიურის ტერიტორიაზე მთელი ღამის განმავლობაში არ გაჩერებულა სპეციალური ტექნიკა, ასევე სამაშველო და საგანგებო სიტუაციების მართვის სამსახურის წარმომადგენლები.
ისინი ეძებენ იმ სამ გაუჩინარებულ ადამიანს, რომელიც 13 ივნისის სტიქიის შედეგად დაიკარგა.
