ამ დროისთვის არსებული ოფიციალური ინფორმაციით, თბილისში სტიქის შედეგად ოთხი ადამიანია დაღუპული. ამის შესახებ კრიზისების მართვის საბჭოს საგანგებო სხდომის დასრულების შემდეგ ჟურნალისტებს კრიზისების მართვის საბჭოს ხელმძღვანელმა, მინდია ჯანელიძემ განუცხადა.
მისი თქმით, დაღუპულთა რიცხვი ზუსტდება.
“მინდა ღრმა მწუხარება გამოვთქვა, რომ სტიქიას მსხვერპლი მოყვა. ჯერ რაც ვიცით, ოთხი ადამიანია დაღუპული. რიცხვი ზუსტდება. ვუსამძიმრებ გარდაძვლილთა ოჯახებს”, _ განაცხადა ჯანელიძემ.
ამასთან, არსებული ინფორმაციით, ოთხი დაღუპულიდან ერთი წყნეთის გზაზე ერთი ქალი მეწყერში მოყვა, ორი გარდაცვლილი, 28 და 40 წლის დები კი, სანაძის ქუჩაზე შლამში იპოვეს, ერთი გარდაცვლილი კი ზოოპარკის თანაშმრომელია.
